ماهو الريزن وطريقه استخدامه

السلام عليكم انهارده هنبدأ ماده جديده وهيه الريزن الماده دي اتشهرت ف الفتره الاخيره بس للاسف في ناس كتير مش عارفه ازاي تستفيد بيها او تستخدمها انا هقولكم بعض انواع الريزن وطرق استخدامها

اولا ماهو الريزن :_
الريزن ماده كيميائيه سائله بتتكون من مكونين الأول الريزن والثاني المصلب اللي بيعمل على تصلب ماده الريزن يعني بيخليها تبقى ناشفه وصلبه وبيخلصها من وضعها السائل

انواع الريزن :_
عندنا انواع كتير من الريزن لكل منها استخدام كل اللي عليك تحدد انته هتستخدمها ف ايه وتختار النوع المناسب ليك 
١_ الريزن ال3d وده ريزن بيستخدم عاده ف الارضيات او الصواني لو محتاج تخليها واضحه زي شكل ال3d وممكن نستخدمه ف المعلقات او دلايات الصور
2_  الريزن الكاست وده بيتحمل درجات الحراره العاليه واكتر استخداماته الحاليه ف عمل الصواني لتحمل حراره الكوبايات وايضا يمكن استخدامه كطبقه عازله
3_الريزن العادي
بيستخدم ف الارضيات العاديه ان على اللوحات ويفضل استخدامه كماده عازله فقط لانه لا يتحمل الحراره 

طريقه الاستخدام الريزن - _
طريقه استخدام الريزن بسيطه جداااا كل اللي عليك أن انته وانته بتشتري الريزن تسأل اللي اخدته منه عن النسبه بين الريزن والمصلب وممكن تلاقي العلبه مكتوب عليها النسب وده لان كل نوع ريزن بيختلف عن الاخر في نسبه المصلب ف لازم تسأل او تشوف النسبه على العلبه 
طيب لو قالي النسبه من ٢ الي ١ ريزن ده معناه ان لو هتحط كوبين من الريزن يبقى هتحط كوب من المصلب  
طيب لو هتحط نص كبايه بس كتجربه ف الاول من الريزن يبقى ربع كبايه مصلب وبرضو تسأل البايع لان بيبقى على معرفه اكتر 
وشكرا ليكو جدااا ولو في اي استفسار ارجو الكتابه ف الكومنتات وسيتم الرد عليها ♥️♥️

Comments

Popular posts from this blog

طريقه تلوين عجينه السيراميك وأنواع الألوان المستخدمه وطرق حمايتها

طرق سهله وبسيطه لعمل عجينه السيراميك على البارد وطرق علاجها